Öflugt fræðslu og útgáfustarf ásamt átaksverkefnum á landsvísu einkennir slysavarnastarf Slysavarnafélagsins Landsbjargar. Hér er oft um umfangsmikla málaflokka að ræða, svo sem öryggi í umferðinni og slysavarnir ferðamanna. Þá má einnig telja til slysavarnir á heimilum, slys á fólki á öllum aldri. Gerð námsefnis í slysavörnum fyrir leik og grunnskóla er veigamikill þáttur í starfi félagsins. Félagið rekur einnig Slysavarnaskóla sjómanna.