Slysavarnafélagið Landsbjörg hefur átt í góðu samstarfi við Mjólkursamsöluna undanfarin ár og notið stuðnings í formi vöruúttekta þegar sjálfboðaliðar félagsins sinna tímafrekum útköllum og fjáröflunum. Nú hafa hafa félögin stigið skrefinu lengra og undirritað samstarfssamning, þar með bætist Mjólkursamsalan við öflugan hóp aðalstyrktaraðila og styður með myndarlegum hætti starf mörg þúsund sjálfboðaliða.

Slysavarnafélagið Landsbjörg og Securitas hófu nýlega samstarf um sölu á sjúkra- og eldvarnarbúnaði og ætla þannig að ná enn betur sameiginlegu markmið sínu um að auka öryggi almennings, enda gengur starfsemi beggja félaga að miklu leiti út á slysavarnir.

Slysavarnafélagið landsbjörg hefur til margra ára þjónustað atvinnulífið og almenning með sölu á vönduðum sjúkrakössum og séð um reglulega endurnýjun á innihaldi þeirra með það að leiðarljósi að tryggja að réttur búnaður sé til taks þegar slys ber að höndum.

Í dag barst Slysavarnafélaginu Landsbjörg vegleg peningagjöf frá Minningarsjóði Jennýjar Lilju að upphæð 1.619.000 kr sem safnaðist þegar ættingjar og vinir Jennýjar hlupu í Reykjavíkurmaraþoninu í ár.

Gjöfin var gefin í minningu Jennýjar Lilju Gunnarsdóttir sem lést af slysförum 24. október 2015 og rennur í nýstofnaðan sjóð, með þann tilgang að veita meðlimum björgunarsveita á öllu landinu fjárhagslegan stuðning til að leita sér aðstoðar eftir erfið útköll.

Við erum þakklát fjölskyldunni fyrir að láta sig varða líðan sjálfboðaliða okkar.

Á dögunum var Kvennfélag Kópavogs lagt niður eftir rúmlega 60 ára starf og eignum þess komið til líknar- og menningarmál.

Stofnaður hafði verið sjóður til minningar um Áslaugu Maack, fyrsta formann félagsins árið 1952. Vaskar konur úr stjórn kvennfélagsins kíktu í heimsókn og færðu Slysavarnafélaginu Landsbjörg að gjöf 2 milljónir króna úr sjóðum, sem nýtast munu til að styðja við öflugt starf félagsins um land allt.

Við erum þakklát fyrir það að forsvarskonur kvennfélagsins styrki mikilvægt starf sjálfboðaliða okkar með svo myndalegum hætti.

Vegna umfjöllunar um spilakassa og spilavanda telja eigendur Íslandsspila rétt að benda á þær leiðir sem fyrirtækið hefur lagt til í þessum efnum.

Víða er fullyrt að lausnin á spilavanda einstaklinga sé að banna spilakassa. Freistingarnar verða samt áfram til staðar, ekki síst á erlendum spilasíðum. Netspilun, íþróttaveðmál og getraunir eru ekkert á förum heldur þvert á móti.